კულინარიული შეცდომები: რატომ არ გამოგვდის კერძი ისეთი, როგორსაც ველოდით

ხდება ხოლმე, რომ ყველაფერი რეცეპტის მიხედვით მოამზადეთ, თუმცა გაურკვეველი კერძი გამოგივიდათ… ამის მიზეზი მოულოდნელი შეცდომებია, რომლებიც კერძის გემოს აფუჭებს. ჩვენ მათ ყოველდღიურად ვუშვებთ ისე, რომ არც კი ვეჭვობთ ამის შესახებ.

კულინარიაში მიღწევა მოიცავს დეტალებს, რომელთა ათვისებასაც მრავალი წელი შეიძლება დასჭირდეს. თუ არ გინდათ, 10 წელი შეცდომებსა და მცდელობებში გაფლანგოთ, დაუთმეთ 10 წუთი ყველაზე გავრცელებული შეცდომების შესწავლას და ეცადეთ, ისინი აღარ გაიმეოროთ.

შეფ-მზარეულების საიდუმლოები

1. დუღილი თუშვის ნაცვლად

ეს ერთ-ერთი ყველაზე გავრცელებული შეცდომაა. ცოტა ხნით გაერთობით და აღმოჩნდება, რომ კერძს ადუღებთ, რბილად თუშვის ნაცვლად.

მოთუშული კერძის მიღების ერთ-ერთი ძირითადი პირობაა დაბალი ტემპერატურა. გათბობა ისე უნდა მოხდეს, რომ მასამ ვერ მოასწროს სრულყოფილად ადუღება, ხოლო, თუ მოუსმენთ, თუშვისთვის დამახასიათებელ ხმასაც გაიგებთ.

ჩვეულებრივი ხარშვის დროს ხდება ბუშტუკებიანი დუღილი. თუმცა, ვიტამინების შესანარჩუნებლად, არ დაუშვათ, რომ სითხე ძალიან ინტენსიურად ბუშტდებოდეს. სტუმრებს არ მოეწონებათ “რეზინის” საქონლის ხორცი, რომელიც მოხარშეთ, მოთუშვის ნაცვლად.

2. კარტოფილისა და პომიდვრის ერთად მომზადება

თუ უმ პომიდორს უმ კარტოფილთან მოათავსებთ, რამდენი ხანიც არ უნდა თუშოთ, მას სირბილის მდგომარეობამდე ვერ მიიყვანთ. კარტოფილი უმი რჩევა იმ მჟავის გამო, რომელსაც პომიდორი შეიცავს.

იგი ანელებს სხვა ბოსტნეულის მომზადების პროცესსაც. პომიდორი და ნებისმიერი სოუსი, მომზადებული მათზე, კერძში მხოლოდ მაშინ უნდა მოათავსოთ, როცა კერძი სრულყოფილად მზად იქნება.

3. ხორცის დაჭრა დაუკვირვებლად

ხორცის მომზადებისას დაშვებული კიდევ ერთი შეცდომაა მისი დაჭრა ისე, როგორც გამოვა. შედეგად, ერთი შეხედვით, მადისაღმძვრელი ხორცის ნაჭერი იქცევა რთულად დასაღეჭ რეზინად. სანამ ხორცს დაჭრიდეთ, ყურადღებით დააკვირდით მას.

ახლო დაკვირვებისას დაინახავთ ხაზებს, რომლებიც ხორცის ნაჭრის სიგრძეს მიჰყვება. ეს ბოჭკოებია. ხორცის ბოჭკოების გასწვრივ დაჭრისას, ნაჭრები უფრო რბილი და წვნიანი გამოდის. ეს განსაკუთრებით ეხება ხორცის ისეთ მყარ სახეობებს, როგორებიც, მაგალითაც, ცხვრის ან საქონლის ხორცია.

4. ხორცის გადადება საყინულიდან პირდაპირ ტაფაზე

ხორცის მომზადებამდე იგი ოთახის ტემპერატურაზე უნდა გაალღვოთ. გამოიღეთ ხორცი მაცივრიდან წინასწარ და აცადეთ ლღობა 2-3 საათით, რათა იგი ოთახის ტემპერატურას მიუახლოვდეს მაინც, როგორც ზედაპირზე, ისე შუაშიც. ასეთი მეთოდი ხორცის თანაბრად შეწვის საშუალებას მოგცემთ. ეს წესი ეხება გამოცხობასაც.

5. მაკარონის წყლის არასწორი დამარილება

მაკარონის მოხარშვის დროს მნიშვნელოვანია, სწორად გათვალოთ მარილის რაოდენობა. თუ არასწორად დაამარილებთ, მიიღებთ უგემურ მასას, რომლისგან ვერაფერს კარგს ვერ მოამზადებთ. მარილის რაოდენობის სწორად განსაზღვრისთვის, აიღეთ 1 ს.კ. ფხვნილი 300 გ მაკარონზე.

6. ზეითუნის ზეთზე შეწვა

ადამიანთა უმეტესობისთვის პასუხი კითხვაზე, თუ რომელ ზეთზეა შეწვა უკეთესი, ძალიან მარტივია – მცენარეულზე. თუმცა, ყველა ზეთი როდი უხდება შეწვის პროცესს. არც ყველა სახეობაა შეწვისთვის გათვალისწინებული.

კიდევ ერთი კულინარული შეცდომაა ზეითუნის ზეთზე შეწვა. მაღალ ტემპერატურაზე, ეს ზეთი კარგავს სასარგებლო თვისებებს და იწყებს წვას, რასაც თქვენი კერძის მთლიანად გაფუჭება შეუძლია. ამიტომ, დაიტოვეთ ზეითუნის ზეთი სალათების შესაზავებლად, ხოლო შესაწვავად რაფინირებული მზესუმზირის ზეთი გამოიყენეთ.

7. კარტოფილის პიურეს მომზადება ბლენდერში

ნუ გამოიყენებთ ბლენდერს კარტოფილის ასათქვეფად, რადგან იგი კარტოფილს ზედმეტად წვრილად აფქვევს და შედეგად, პიურეს ნაცვლად, წებოვან გლუტენს იღებთ. გამოიყენეთ უბრალო საჭყლეტი, ან, უმჯობესია, ხელის წისქვილი კარტოფილის დასაჭყლეტად.

8. შის მომზადება წითელი კომბოსტოთი

თუ შის მომზადებას არა თეთრთავა, არამედ წითელი კომბოსტოთი აპირებთ, მზად იყავით იმისათვის, რომ შედეგად მიიღებთ ცისფერ წვნიანს. არამგონია, ვინმეს ასეთი უჩვეულო ფერის კერძი მოეწონოს.

9. წვნიანის მომზადება მყარი ყველით

არ სცადოთ წვნიანის მომზადება მყარი ყველით. პირველ რიგში, შეიძლება, სქელი და წელვადი წვნიანის ნაცვლად, მიიღოთ წყალი ყველის ნაჭრებით. მეორეც, ქვაბის ფსკერზე მიმწვარი ყველის ფაფის გარეცხვა ძალიან გაგიჭირდებათ.

10. სოდა და ძმარი

მჟავა ნივთიერებასთან შეერთებისას, სოდა გამოყოფს ნახშირორჟანგს, რომელიც ცომს აფხვიერებს. თუმცა, სოდისა და ძმრის შეერთება არა თვითონ ცომში, არამედ მის გარეთ, ანადგურებს უკანასკნელ ნახშირორჟანგსაც და ცომში მხოლოდ რეაქციის ნარჩენს – უხსნად მარილებს ვურთავთ, რომლებიც ცომის სიფხვიერეზე არავითარ გავლენას არ ახდენს.

ცომი მაქსიმალურად ჰაეროვანი რომ გამოგივიდეთ, ჩააქრეთ სოდა შემდეგნაირად: ცალ-ცალკე შეურიეტ 50 მლ წყალს 1 ჩ.კ. სოდა და 1 ჩ.კ. ლიმონმჟავა. შემდეგ ერთდროულად ჩაასხით ორივე ჭურჭლის შიგთავსი ძირითადი ცომის ჭურჭელში.

LEAVE A REPLY

Please enter your comment!
Please enter your name here