პოლონური ბორში ღორის ხორცით, ტრადიციულად, ფინჯნიდან მიირთმევა. მას დასავლეთ უკრაინაშიც ხშირად ამზადებენ, დღესასწაულებსა და ქორწილებზე. გასაკვირი არაფერია – ეს ხომ მოსახერხებელი და საინტერესო კერძია.
კერძი საკმაოდ თხევადი გამოდის, თუმცა ფინჯნიდან მისი მირთმევა უფრო მოსახერხებელია. თუ ტრადიციულ ბორშს თეფშში ჩაასხამთ, ვინეგრეტი უფრო გამოვა, გემრიელი კი იქნება, თუმცა ესთეტიკურად ვერ შეედრება ტრადიციულს.
ბორში ღორის ხორცით
ინგრედიენტები
- ღორის ძვლები ან ხორცი ბულიონისთვის
- წყალი
- 2-3 ჭარხალი
- 5-6 ს.კ. არაჟანი
- 1-2 ს.კ. ფქვილი
- ბეგქონდარა
- დაფნის ფოთლები
- ძმარი ან ლიმონის წვენი
- 0.5 ს.კ. შაქარი
- მწვანილი გემოვნებით
მომზადება
- საშუალო ზომის ქვაბში მოხარშეთ ხორცი ან ძვლები ბულიონისთვის. ძვლები უკეთესია. მზა ბულიონი გადაწურეთ.
- ნახევრად წყლით სავსე ჭიქაში შეურიეთ ფქვილი და არაჟანი. ეცადეთ, კოლტები არ გაჩნდეს.
- ჩაყარეთ ბულიონში შაქარი და არაჟნის მასა. აადუღეთ და დაუმატეთ დაფნის ფოთლები და ბეგქონდარა.
- მოხარშეთ ჭარხალი კანიანად, გაფცქვენით, დახეხეთ მსხვილად და მოასხით ცოტაოდენი ძმარი ან ლიმონის წვენი.
- მდუღარე ბულიონს სულ ბოლოს დაუმატეთ ჭარხალი და მწვანილი, ისევ აადუღეთ და გამორთეთ ცეცხლი, ბორშმა ფერი რომ არ იცვალოს.
- ჩაასხით ბორში ფინჯნებში და მოიწვიეთ სტუმრები სუფრასთან.
ალბათ, გესმით, რომ ამ კერძის მირთმევა შეიძლება ღამითაც – ძალიან მსუბუქია. მთავარია, რომ თვითონ ბულიონი ძალიან გადახარშული და მძიმე არ იყოს.
პოლონელთა ნაწილს ამ ბულიონის მირთმევა ასე უყვარს: მას არც ისე ღრმა თეფშზე ასხამენ, უმატებენ კარტოფილის პიურეს და ელოდებიან გაჟღენთას. თქვენი ნებაა, როგორ მიირთმევთ ამ კერძს, მთავარია, გემრიელად მიირთვათ!
