ზაფხულამდე 1 თვეღა დარჩა. სპორტ-დარბაზში ხანგრძლივი ვარჯიშის დრო არ გვაქვს. სამუშაო გრაფიკი გადატვირთულია. სახლშიც უამრავი საქმეა და ვარჯიშისთვის არ გვცალია. როგორ მოვიქცეთ?
გთავაზობთ ფიზიკური ფორმის გაუმჯობესების ხერხს, დღის წესრიგის შეცვლის გარეშე.
ნაბიჯი 1: ბრტყელი მუცელი დღეში 1 წუთით. შეასრულეთ მხოლოდ მუშაობისას!
როგორ ვივარჯიშოთ ოფისში ისე, რომ არ დაგვცინონ? ძალიან მარტივად! უბრალოდ აირჩიეთ ეს შესანიშნავი სავარჯიშო. გთავაზობთ ამერიკელი სპორტსმენების გამოცდილების გამოყენებას. მათ ეს სავარჯიშო მსოფლიოში პრესის კუნთებისთვის საუკეთესოდ აღიარეს. ცდად ნამდვილად ღირს!
- დაჯექით საკმაოდ მაღალ სკამზე (სასურველია, ფეხები იატაკს არ ეხებოდეს).
- ხელები დაალაგეთ საჯდომზე, ბარძაყების ქვეშ.
- გადაიტანეთ სხეულის წონა ხელებზე, თითქოს სკამიდან ადგომას აპირებთ. მოხარეთ ფეხები მუხლებში და წამოწიეთ ბარძაყები საჯდომიდან, 6-8 სმ-თი.
- ნელა დაუშვით ფეხები ძირს. გაიმეორეთ სავარჯიშო.
- შეასრულეთ მოძრაობები არანაკლებ 1 წუთის განმავლობაში. რაც უფრო მეტხანს გააკეთებთ, მით უკეთესი.
ნაბიჯი 2 და ბოლო: უნდა შესრულდეს ქუჩაში.
სიარული ჭარბი კილოგრამების მოშორების ერთ-ერთი ყველაზე ეფექტური საშუალებაა. საერთო პასუხი: ეცადეთ, მაქსიმალურად ბევრი იაროთ. მანქანა გააჩერეთ არა სამსახურის წინ, არამედ 1 კვარტლის მოშორებით, იარეთ მაღაზიაში ფეხით, ადით და ჩადით კიბეებზე, ლიფტის გარეშე.
კალორიების მიზნობრივი დაწვისთვის კი საჭიროა სიარულის პროგრამა. იგი გათვლილია სამ კვირაზე და მისი დახმარებით კვირაში 3500 კალორიას დაწვავღ, რაც ამ დროისთვის 0.5 კგ-ს დაკლებას ნიშნავს.
მარშრუტი
დასაწყისისთვის, შეარჩიეთ ოპტიმალური გზა. გაზომეთ მასზე, მაგალითად, 1600 მ მანძილი. გზა თავისუფალი უნდა იყოს შუქნიშნებისა და სხვა წინაღობებისგან.
თუ ამის შესაძლებლობა გაქვთ, მარშრუტი გაატარეთ შემაღლებულ ადგილებზე. თანაც, ბორცვზე ასვლისას ეცადეთ, არ შენელდეთ. რაც მეტი ბორცვი იქნება გზად, მით მეტ კალორიას დაწვავთ.
სამკვირიანი პროგრამა
- დღე 1: 30 წუთით სწრაფი სიარული.
- დღე 2: 15 წუთით სწრაფი სიარული, 24 წუთით ძალიან სწრაფი სიარული, 15 წუთით ისევ სწრაფი სიარული.
- დღე 3: 30 წუთით სწრაფი სიარული.
- დღე 4: 15 წუთით სწრაფი სიარული, 4 წუთით ძალიან სწრაფი სიარული ბორცვზე, 15 წუთით ისევ სწრაფი სიარული.
- დღე 5: 30 წუთით სწრაფი სიარული.
- დღე 6: 30 წუთით სწრაფი სიარული.
- დღე 7: 90 წუთით სწრაფი სიარული.
- დღე 8: 30 წუთით სწრაფი სიარული.
- დღე 9: 15 წუთით სწრაფი სიარული, 28 წუთით ძალიან სწრაფი სიარული და 15 წუთით ისევ სწრაფი სიარული.
- დღე 10: 30 წუთით სწრაფი სიარული.
- დღე 11: 15 წუთით სწრაფი სიარული, 5 წუთით (სასურველია ბორცვზე) ძალიან სწრაფი სიარული და 15 წუთით ისევ სწრაფი სიარული.
- დღე 12: 30 წუთით სწრაფი სიარული.
- დღე 13: 30 წუთით სწრაფი სიარული.
- დღე 14: 105 წუთით სწრაფი სიარული.
- დღე 15: 30 წუთით სწრაფი სიარული.
- დღე 16: 15 წუთით სწრაფი, 32 წუთით ძალიან სწრაფი და 15 წუთით სწრაფი სიარული.
- დღე 17: 30 წუთით სწრაფი სიარული.
- დღე 18: 15 წუთით სწრაფი, 6 წუთით ძალიან სწრაფი (სასურველია ბორცვზე) და 15 წუთით ისევ სწრაფი სიარული.
- დღე 19: 30 წუთით სწრაფი სიარული.
- დღე 20: 30 წუთით სწრაფი სიარული.
- დღე 21: 120 წუთით სწრაფი სიარული.
იასეირნეთ ამ პროგრამის მიხედვით და დარწმუნდებით, რომ შეუძლებელი არაფერია!
