როგორ შევაჩეროთ გამანადგურებელი ზეწოლა მენჯ-ბარძაყის სახსარზე

0
74
Photo credit: Freepik

ჩვენი საყრენ-მამოძრავებელი სისტემის ერთ-ერთი ყველაზე მნიშვნელოვანი სახსარი მენჯ-ბარძაყისაა. სწორედ ის უზრუნველყოფს ადამიანის თავისუფლად გადაადგილებისა და ყოველდღიური მოძრაობების შესრულების შესაძლებლობას. ამ სტატიაში Paparazzi.ge-ის რედაქცია წარმოგიდგენთ მარტივ და ეფექტურ სავარჯიშოებს მენჯ-ბარძაყის სახსრებისთვის. მათი რეგულარული შესრულება მრავალ სხეულის პრობლემასა და უსიამოვნო შეგრძნებას აგაცილებთ თავიდან.

ეს სამკურნალო ტანვარჯიში ცნობილმა უკრაინელმა ექიმმა რევმატოლოგმა, პაველ ევდოკიმენკომ შეიმუშავა. იგი განსაკუთრებით სასარგებლოა ქალებისთვის, რომლებსაც მაღალ ქუსლებზე დგომა უყვართ. საქმე ისაა, რომ ქუსლები მუხლებს გასწორებას აიძულებს. შედეგად, დატვირთვა უშუალოდ მენჯ-ბარძაყის სახსარზე გადადის. იქ იწყება ცვლილებები, რომლებიც, დროთა განმავლობაში, წელის ტკივილებით იჩენს თავს. ნუ უგულებელყოფთ სხეულიდან მომავალ მსგავს სიგნალებს. ზოგადად, თუ უსიამოვნო შეგრძნებები გაქვთ, საქმეს შეუდექით.

სავარჯიშო 1 

პირველი სავარჯიშოს შესასრულებლად, მუცელზე უნდა დაწვეთ. ნელა წამოწიეთ გასწორებული ფეხი ზემოთ. 1 წამით შეჩერდით და ნელა დაუშვით დაბლა, მოდუნებამდე. სავარჯიშო ტალღოვნად, მყისიერი მოძრაობების გარეშე უნდა შეასრულოთ. ფეხის ჩამოწევისას წამით მოდუნდით. შეასრულეთ 5-6 წამოწევა თითო ფეხზე.

სავარჯიშო 2 

შემდეგი სავარჯიშო სრულდება ასე: ყველაფერი ისეა, როგორც წინა სავარჯიშოში, უბრალოდ, ფეხი წამოწევამდე მუხლში უნდა მოხაროთ. შეასრულეთ ნელა, აუჩქარებლად. ჩამოწევისას, ფეხი არ უნდა გაშალოთ. ეს სავარჯიშო დაამუშავებს თეძოებისა და ბარძაყების კუნთებს. დაიწყეთ ორივე ფეხზე 5-5 მოძრაობით.

სავარჯიშო 3

დაისვენეთ 1 წუთით, თუ გჭირდებათ. მესამე სავარჯიშოს შესასრულებლად, ზურგზე უნდა წამოწვეთ. ერთი ფეხი მოხარეთ მუხლში. მეორე ფეხი, რომელიც გასწორებულია, ნელა წამოწიეთ ზემოთ, 1 წამით გააჩერეთ და ისევ ნელა დაუშვით დაბლა. მოდუნდით. ეცადეთ, სხეულის დანარჩენი ნაწილები არ დაჭიმოთ – მხოლოდ ფეხის კუნთები უნდა ამუშავოთ. გაიმეორეთ 5-5-ჯერ ორივე ფეხზე.

სავარჯიშო 4

შემდეგ მოხარეთ ორივე ფეხი 90 გრადუსით. ნელა წამოწიეთ ფეხები მუცლისკენ და ტალღოვნად დაუშვით დაბლა, მოდუნებამდე, არ გაშალოთ. ფეხები ძალიან მაღლა არ წამოწიოთ. გაიმეორეთ 5-6-ჯერ.

სავარჯიშო 5

შემდეგი სავარჯიშოს შესასრულებლად კი გვერდზე უნდა დაწვეთ. ქვედა ფეხი მოხარეთ, ზედა – გაასწორეთ. ტალღოვნად წამოწიეთ გასწორებული ფეხი ზემოთ, არც ისე მაღლა. გააჩერეთ რამდენიმე წამით და ნელა დაუშვით დაბლა, მოდუნდით. დაწექით მეორე მხარეს და გაიმეორეთ ყველაფერი მეორე ხელით. გაიმეორეთ 5-6-ჯერ.

სავარჯიშო 6

ახლა კი ყველაზე ზარმაცი სავარჯიშო. დაჯექით, გაასწორეთ ფეხები და ნელა დაიხარეთ წინ. ეცადეთ, ფეხის თითებს მისწვდეთ, შეძლებისდაგვარად, ტერფებს მოეჭიდოთ. ძალისხმევის დატანება და გაწელვა საჭირო არაა, უბრალოდ მოდუნდით. თუ ტერფებზე ჩაჭიდებას ვერ მოახერხებთ, აიღეთ პირსახოცი ან სხვა ქსოვილი, ტერფებზე რომ ჩასჭიდოთ. სავარჯიშო 2-3 წუთის განმავლობაში უნდა შეასრულოთ, თუმცა, 30 წამითაც შეიძლება დაწყება, დრო თანდათან გაზარდეთ.

სავარჯიშო 7

მეშვიდე სავა რჯიშოსთვის ზურგზე უნდა დაწვეთ. ფეხები ოდნავ გაშალეთ და მუხლებში მოხარეთ. შემდეგ ნელა, ტალღოვნად წამოწიეთ მენჯი. წამოწიეთ მაქსიმალურად მაღლა, შემდეგ დაწიეთ, ოღონდ ბოლომდე არა, 20 სმ სიმაღლეზე. როცა თეძოებს ზემოთ აწევთ, რამდენიმე წამით დაჭიმეთ კუნთები და დაიწყეთ 5-6 გამეორებით.

ამ ტანვარჯიშის შესრულების შემდეგ, დაისვენეთ – დაწექით ზურგზე 2 წუთით. თუ დრო და ძალა დაგრჩებათ, კიდევ ერთხელ გაიმეორეთ სავარჯიშოები, უკეთესი ეფექტისთვის. როგორც ხედავთ, სავარჯიშოები მარტივია და სახლის პირობებში შესრულდება. რაც შეეხება გამეორებას – თანდათან, დატვირთვა 12-15-მდე უნდა გაზარდოთ.